Hüt hei mr dr zwöit tag vom lager erläbt und es isch so einiges gange. Es isch nid nume ei sach schief gloffe… Am morge hets eigentlech no guet agfange wo mr e schrube für d’Bindig vo dr d’Nubia hei chönne organisiere. Voller Elan hei sech de aui uf d’Piste gstürzt und sech im Sulz vom Helikopter ergäh. D’Bahn vom Bügulift isch immer schmehler worde und de hei si scho müesse afo schufle damit me sech bim 39 Sekunde fahre und 14-minütige warte nit au no dr Ski odr s’Snowboard verchrazet. Am Nomitag hei sech de es paar Wagemuetigi mit de Badhose uf d’Piste gwagt (Anmerkung der Redaktion: Was sehr schön gsi isch…) und gmerkt, dass me sech ohni Skichleider wesentlich wohler füehlt aus mit. Unger angerem hei mr au dr Wäutrekord im Mönscheslalom broche. 27 Ski- und Snowboardfahrer hei ihres Talent unger Bewis gstöut. Zum z’nacht hets es wunderbars, heisses, mit Liebi gmachts Fondue gäh. Sogar d’Fritöse het nid chönne widerstoh und sech 1 kg flüssigs Fondue unger e Nagu grisse. Dr Otti het de zweh Stung putzt und d’Fritöse stoht jetz au nüm ir Chuchi (us präventive Gründ). Dr Chinoobe isch e Bombe gsi und d’Mingons hei aune no es Lächle ufs popcornverschmirte Gsicht zauberet bevor aui is Näscht si go pfuse. E witere erfougriche Tag vom Snowcamp findet e würdige Abschluss und über aus witere brichte mr nid.